கொஞ்சம் தூங்க வேண்டும்!

கல்லூரியில் படிக்கும் போது எழுதிய கவிதைகளில் ஒன்று - இப்போதும் என் ஏக்கங்களில் ஒன்று.

கொஞ்சம் தூங்க வேண்டும்

அறியாமையே நீ கொஞ்சம் தூங்கிவிடு
அநியாயமே நீ கொஞ்சம் தூங்கிவிடு
அராஜகமே நீ கொஞ்சம் தூங்கிவிடு
அவலமே நீ கொஞ்சம் தூங்கிவிடு

இருளே நீ கொஞ்சம் தூங்கிவிடு
இரக்கமின்மையே நீ கொஞ்சம் தூங்கிவிடு
இயலாமையே நீ கொஞ்சம் தூங்கிவிடு
இன்னலே நீ கொஞ்சம் தூங்கிவிடு!

தூங்கவேண்டும் நீங்கள் தூளியிலே
வாழ வேண்டும் நாங்கள் பூமியிலே!