குழந்தைப் பாடல்கள் - 9

ஆங்கிலப் பாடலின் தமிழாக்கம். அதே ராகம், தாளத்தோடு பாடலாம்.

காகிதத் துண்டுகள், காகிதத் துண்டுகள்
தரையிலே பார்; தரையிலே பார்
அசுத்தப் படுத்துதே; அசுத்தப் படுத்துதே
பொறுக்கியெடு! பொறுக்கியெடு!

மூலம்:
Bits of Paper Bits of Paper
Lying on the floor; lying on the floor
Makes the place untidy; makes the place untidy
Pick them up! Pick them up!

குழந்தைப் பாடல்கள் - 8

சிறு வயதில் வானொலியில் கேட்ட பாடல் இது!

பாப்பா பாப்பா கதை கேளு
காக்கா நரியும் கதை கேளு
தாத்தா பாட்டி சொன்ன கதை
அம்மா அப்பா கேட்ட கதை

ஊருக்கு வெளியே கடையிருக்கு
கடையில வெங்காய வடையிருக்கு
கடையில வடைய திருடிக்கிச்சாம்
காக்கா மரத்திலே குந்திக்கிச்சாம்

காக்கா மூக்கில வடையிருக்க
குள்ள நரியுமே பாத்திடுச்சாம்
லேசா வடையை வாங்கிடவே
நரியொரு தந்திரம் பண்ணிக்கிச்சாம்

காக்கா பாட்டு பாடச்சொல்லி
குள்ள நரியுமே கேட்டுக்கிச்சாம்
வாய திறந்து காக்காபாட
வடையும் கீழே விழுந்திடுச்சாம்

விழுந்தத நரியும் கௌவிக்கிச்சாம்
வாயில போட்டுத் தின்னுடிச்சாம்

பாப்பா பாப்பா கதை கேளு
காக்கா நரியும் கதை கேளு
தாத்தா பாட்டி சொன்ன கதை
அம்மா அப்பா கேட்ட கதை